Are you a member? Register / Login

బాహుబలితో పోటీ పడుతుందా? ‘పులి’ సెన్సార్ రిపోర్ట్

17 September 2015

హైదరాబాద్: తమిళ సూపర్ స్టార్ విజయ్ హీరోగా ‘పులి' సినిమా తెరకెక్కుతున్న సంగతి తెలిసిందే. ఈచిత్రం తమిళంతో పాటు తెలుగులో కూడా విడుదల కాబోతోంది. అక్టోబర్ 1న సినిమాను విడుదల చేసేందుకు ప్లాన్ చేస్తున్నారు. ఈ సినిమాపై అంచనాలు భారీగానే ఉన్నాయి. ఈ సినిమాను ఇండియన్ బిగ్గెస్ట్ మోషన్ పిక్చర్ ‘బాహుబలి' రేంజిలో ఉంటుందని అంటున్నారు. అయితే నిర్మాతలు మాత్రం ‘పులి' సినిమా డిఫరెంటుగా ఉంటుందని అంటున్నారు. ADVERTISEMENT పిల్లలను, పెద్దలను, అభిమానులను అన్ని వర్గాల వారిని ఆకట్టుకునే విధంగా సినిమా ఉంటుందని అంటున్నారు. మరో వైపు ఈ సినిమాకు సెన్సార్ బోర్డు క్లీన్ ‘యు' సర్టిఫికెట్ జారీ చేసింది. ఈ నేపథ్యంలో సినిమాకు ఫ్యామిలీ ప్రేక్షకుల నుండి మంచి ఆదరణ లభిస్తుందని భావిస్తున్నారు.

Share this on social network:

Comment

More News

  • అపుడు....మహేష్ బాబు టెన్షన్ పడ్డారు, వణికి పోయారు!

    17 September 2015

    హైదరాబాద్: ‘శ్రీమంతుడు' సినిమా విడుదలకు ముందు మహేష్ బాబు తన మనసులో ఆలోచన ఎలా ఉందో ఇటీవల ఓ ఇంటర్వ్యూలో వివరించారు. బాహుబలి లాంటి భారీ సినిమా తర్వాత వస్తున్న సినిమా కావడంతో తన చిత్రం సినిమా బాక్సాఫీసు వద్ద ఎలాంటి ఫలితాలు సాధిస్తుందో? అని ఆయన కాస్త ఆందోళన చెందారట. ఏదైతేనేం... సినిమా పెద్ద హిట్టయింది. శ్రీమంతుడు హిట్ ఇచ్చిన ఎనర్జీతో మహేష్ బాబు ‘బ్రహ్మోత్సవం' చిత్రానికి ఉత్సాహంగా సిద్ధమయ్యారు.

    View More

  • తేజ కామెంట్స్ వివాదం: మహేష్ బాబు స్పందించారు!

    17 September 2015

    హైదరాబాద్: ‘శ్రీమంతుడు' సినిమా ద్వారా మహేష్ బాబు ఒక మంచి మెసేజ్ జనాల్లోకి తీసుకెళ్లారు. డబ్బులు సంపాదించడం మాత్రమే కాదు... తమ సొంతూర్లను, వెనకబడిన గ్రామాలను దత్తత తీసుకుని అభివృద్ధి పరుచాలనే కాన్సెప్టును సినిమాలో చూపించడంతో పాటు, పలు గ్రామాలను స్వయంగా దత్తత తీసుకుని అభివృద్ధి చేసుకునేందుకు ప్లాన్ చేస్తున్నారు. మహేష్ బాబు సినిమా చూసి ఇన్ స్పైర్ అయి పలువురు ప్రేక్షకులు, ఇతర స్టార్స్ కూడా గ్రామాలను దత్తత తీసుకునే కార్యక్రమానికి శ్రీకారం చుట్టారు. అయితే దర్శకుడు తేజ మాత్రం మహేష్ బాబు చేస్తున్న ఈ పనులపై వివాదాస్పద వ్యాఖ్యలు చేసారు. మహేష్ బాబు ఇన్ కం టాక్స్ తగ్గించుకోవడానికే గ్రామాలను దత్తత తీసుకుంటున్నారు, దేశాన్ని ఏదో ఉద్దరించడానికి కాదు, ఆయనకు అలాంటి ఉద్దేశ్యం ఉంటే శ్రీమంతుడు సినిమా వరకు ఆగే వాడు కాదు, ఒక్కడు సినిమా సమయంలోనే చేసే వాడు అంటూ వ్యాఖ్యానించారు. దీంతో మహేష్ బాబు అభిమానులు తేజ మీద భగ్గుమన్నారు.

    View More

  • బాలీవుడ్ ఛాన్స్: బికినీలో రెచ్చిపోనున్న రాయ్ లక్ష్మి

    17 September 2015

    హైదరాబాద్: అప్పట్లో బాలీవుడ్‌లో వచ్చిన ‘జూలీ' సినిమా గుర్తుందా?...ఈ సినిమా ద్వారా పాపులరైన హాట్ బ్యూటీ నేహా దుపియా. ఈ చిత్రంలో ఆమె నగ్నంగా నటించి అందరినీ ఆశ్చర్య పరిచింది. రొమాంటిక్ థ్రిల్లర్ గా తెరకెక్కిన ఈ సినిమాకు సీక్వెల్ గా ‘జూలీ 2' రాబోతోంది. అయితే ఈ సినిమాలో నేహా దూపియా నటించడం లేదు. దీంతో ఈ అవకాశం సౌతిండియా హాట్ బ్యూటీ లక్ష్మీ రాయ్‌కి దక్కింది. ఈ సినిమా తర్వాత బాలీవుడ్లో తనకు మంచి అవకాశాలు వస్తాయని భావిస్తోంది లక్ష్మీ రాయ్.

    View More